بوريك الجبدة
المقادير
1كوب ماء
1كوب زيت ذرة
2ملعقة كبيرة خل ابيض
1ملعقة صغيرة بيكنبودر
بيضة
رشة ملح
الطريقة
تعجن كل المقادير مع بعض و نضيفوا الدقيق بالتدريج لين نحصلوا على عجينة رطبة بعدين نخلوها ترتاح من ساعة لساعتين.
بعدين تقسميها أربعة أقسام و تاخدي كل وحدة ترشي تحتها النشا و تفرديها لين تتكون معاك عجينة رقيقة شفافة ..بعدين ترشي فوقها النشا و تلفيها أسطوانة طويلة و بعدين تقصي الأسطوانة لرولات او أسطوانات صغيرة .. طول الوحدة فيهم ما يتعداش 5سم
وبعدها نستفوهم في صحن او طاجين عميق و تصبي عليهم الزيت لين يتغطوا تخليهم في الزيت ساعة و بعدها ترجعي تاخدي بالوحدة و تفرديها لين تولي شفافة بعدها تحطي الحشوة الي تبيها (انا كتبت نوعين حشوة في الفيديو)بس هذا النوع من العجائن يمشي معاه كذا نوع حشوة وكل حد و ذوقه يعني تقدري تبتكري اَي حشوة تعجبك.
بعدها تلفيها مثلثات زي السمبوسك و تحطيها في طاجين و تديري فوق منها مسحة حليب بالفرشة و رشي عليها كمون اسعد و جلجلان ..
تاخد من 20-25دقيقة في الفرن على درجة حرارة 175
شغلوا الفرن على خيار المروحة و من فوق و تحت ..
و صحتين ..
الفئة
عرض المزيد
تعليقات - 31
مقاطع الفيديو ذات الصلة على بوريك الجبدة (بوريك ليبي) مصر: